I. ແຫຼ່ງທ່ອງທ່ຽວທາງປະຫວັດສາດ ( ວັດໂພໄຊຊະນະຣາມ ແລະ ວັດສີບຸນເຮືອງໄຊຍະຣາມ ).
ວັດໂພໄຊຊະນະຣາມ
ຕັ້ງຢູ່ບ້ານຊຳເໜືອ ເມືອງຊຳເໜືອ
ແຂວງຫົວພັນ ເຊິ່ງຫ່າງຈາກໃຈການເມືອງໄປປະມານ 1 ກິໂລແມັດ ວັດໂພໄຊຊະນະຣາມ ເປັນສະຖານທີ່ ທີ່ສຳຄັນທາງສາສະໜາພຽງບ່ອນດຽ່ວຂອງແຂວງຫົວພັນ.
ຮູບພາບ: ວັດໂພໄຊຊະນະຣາມ
ຮູບພາບ: ພຣະອົງຕື້
1.2. ປະຫວັດຄວາມເປັນມາຂອງ ( ວັດໂພໄຊຊະນະຣາມ ).
ວັດໂພໄຊຊະນະຣາດ
ສ້າງຕັ້ງຂື້ນໃນປີ ພສ 2522 – 2530.
ວັດນີ້ເຄີຍເປັນບ່ອນປະດິດຂອງພຣະອົງຕື້ ອັນເປັນມິ່ງຂວັນຂອງ ແຂວງຫົວພັນ. ໃນປີ ຄ.ສ 1553
ສະໄໝເຈົ້າໄຊຍະເສດຖາທິຣາດ ໄດ້ນຳພາປະຊາຊົນສ້າງເຈດີ ແລະ
ພຣະພຸດທະຮູບໃຫ່ຍຂື້ນຢູ່ທີ່ນະຄອນຫຼວງຂອງອານາຈັກລ້ານຊ້າງ ( ນະຄອນຫຼວງວຽງຈັນໃນປະຈຸບັນ
) ເພື່ອເປັນສັນຍາລັກແຫ່ງໄຊຊະນະໃນການຕໍ່ສູ້ກັບສັກດີນາພະມ້າ
ແລະ ເພື່ອເປັນບ່ອນສັກກາລະບູຊາຂອງປວງຊົນລາວ. ພຣະພຸດທະຮູບອົງນີ້ມີຄວາມສວຍງາມ
ແລະ ໜ້າເກງຂາມຫຼາຍຖືກຫຼໍ່ຂື້ນດ້ວຍທອງແດງ ແລະ ທອງເຫຼືອງ ເຊິ່ງມີນ້ຳໜັກ 1
ໂຕ້ນດັ່ງເຫັນປະຈັກຕາຢູ່ທີ່ວັດອົງຕື້ ນະຄອນຫຼວງວຽງຈັນ ໃນທຸກວັນນີ້. ຫຼັງຈາກນັ້ນ ເຈົ້າໄຊຍະເສດຖາທິຣາດກໍ່ໄດ້ປະກາດໃຫ້ປະຊາຊົນພ້ອມກັນສ້າງເຈດີ
ແລະ ພຣະພຸດທະຮູບໃຫ່ຍຂີື້ນໃນເມືອງຂອງໃຜລາວເພື່ອເປັນສັນຍາລັກ ແລະ
ລະນຶກເຖິ່ງເຫດການດັ່ງກ່າວນັ້ນເຊັ່ນກັນ. ເຖິ່ງວ່າທອງ ແລະ
ວັດຖຸອຸປະກອນທີ່ຫາມາໄດ້ນັ້ນຈະມີນ້ຳໜັກບໍ່ຮອດຕື້ ແລະ
ເມື່ອຫຼໍ່ແລ້ວຈະເປັນພຣະພຸດທະຮູບໃຫ່ຍ ຫຼື ນ້ອຍກໍ່ຕາມກໍ່ໃຫ້ໃສ່ຊື່ວ່າ “ ພຣະອົງຕື້ ” ພາຍຫຼັງທີ່ພະຍາສີສຸລິນ ທຳມະລາດ ເຈົ້າເມືອງ ເມືອງໂສ້ຍ ( ເມືອງເກົ່າແຫ່ງໜື່ງຂອງແຂວງຫົວພັນໃນເມື່ອກ່ອນ )
ໄດ້ຮັບຄໍາສັ່ງດັ່ງກ່າວແລ້ວກໍ່ສັ່ງໃຫ້ບັນດາບຸກຄົນທີ່ສໍາຄັນແຕ່ງຕັ້ງຄະນະຮັບຜິດຊອບເພື່ອສ້າງພຣະພຸດທະຮູບໃຫ່ຍ
1 ອົງຂື້ນໃນປີ ຄສ 1565 ເຊິ່ງມີ ນ້ຳໜັກ 3.850 ກິໂລ ຫຼໍ່ດ້ວຍທອງເຫືອງ
ໂດຍມີຊື່ວ່າ:“ ພຣະອົງຕື້ ” ວັດໂພໄຊຊະນະຣາມເປັນວັດທີ່ເກົ່າແກ່ເຖິ່ງ
442ປີ ແລະ ໄດ້ປະດິດສະຖານທີ່ຢູ່ວັດເກົ່າແຫ່ງໜື່ງຂອງເມືອງໂສຍ.
ໃນວັນທີ່10 / ເມສາ / 1984.ອຳນາດການປົກຄອງ ແຂວງຫົວພັນ
ໄດ້ອັນເຊີນພຣະອົງຕື້ມາປະດິດສະຖານຢູ່ທີ່ວັດໂພໄຊຊະຣາມ ທີ່ຊຳເໝືອແຫ່ງນີ້.
ຮອດວັນທີ່ 24 / ພຶດສະພາ / 2013 ກໍ່ໄດ້ອັນເຊີນພຣະອົງຕື້ໄປປະດິດສະຖານຢູ່ທີ່ວັດສີບຸນເຮືອງທີ່ສ້າງຂື້ນມາໃໝ່.
ໃນປັດຈຸບັນ, ເຖິ່ງວ່າຈະບໍ່ມີພຣະພຸດທະຮູບອົງຕື້ຢູ່ທີ່ວັດໂພໄຊຊະນະຣາມແລ້ວກໍ່ຕາມ
ວັດດັ່ງກ່າວຍັງຄົງເປັນທີ່ເຄົາລົບ ແລະ ສັດທາຂອງປະຊາຊົນ ຊາວແຂວງຫົວພັນ ແລະ
ປະຊາຊົນທີ່ມາຈາກທ້ອງຖິ່ນອື່ນໆ.
ແລ້ວຕໍ່ມາພຮະອົງຕື້ກໍ່ໄດ້ຍ້າຍໄປວັດສີບຸນເຮືອງໄຊຍະຣາມ.
ວັດສີບຸນເຮືອງໄຊຍະຣາມຕັ້ງຢູ່ເທດສະບານເມືອງຊໍາເໜືອຫ່າງຈາກຖະໜົນຜາຖີ ປະມານ 1
ກິໂລແມັດ. ວັດສີບຸນເຮືອງໄຊຍະຣາມສ້າງຕັ້ງຂື້ນໃນວັນທີ່12 ເດືອນ ມີນາ ປີ 2009 ແລະ
ໄດ້ສໍາເລັດໃນວັນທີ່ 25 ພຶດສະພາ ປີ 2013
ວັດແຫ່ງນີ້ເປັນບ່ອນປະດິດສະຖານຂອງພຣະພຸດທະຮູບອົງຕື້ ເຊິ່ງເປັນທີ່ເຄົາລົບ ແລະ
ສັດທາຂອງປະຊາຊົນໃນແຂວງຫົວພັນ ກໍ່ປະຊາຊົນລາວທີ່ມາຈາກທ້ອງຖີ່ນອື່ນ.
ເນືອງຈາກວ່າວັດສີບຸນເຮືອງໄຊຍະຣາມຕັ້ງສະຫງ່າໂດດເດັ່ນຢູ່ເທິງຈອມພູ ແລະ
ອ້ອມຮອບໄປດ້ວຍທໍາມະຊາດທີ່ສວຍສົດງົດງາມຫຼາຍ ຈື່ງເຮັດໃຫ້ສະຖານທີ່ແຫ່ງນີ້ກາຍເປັນຈຸດຊົມວິວຂອງເມືອງຊໍາເໜືອ
ເຊິ່ງທານສາມາດມາດເບີ່ງເຫັນທັດສະນີຍະພາບຂອງທຸກໆມຸມໃນຕົວເມືອງຊໍາເໜືອໄດ້ໜົດທຸກແຫ່ງ.
ຮູບພາບ: ວັດສີບຸນເຮືອງໄຊຍະຣາມ
1.3 ລັກສະນະເດັ່ນຂອງແຫ່ງທ່ອທ່ຽວ
( ວັດສີບຸນເຮືອງໄຊຍະຣາມ ).
ວັດໂພໄຊຊະນະຣາມ ແລະ ວັດສີບຸນເຮືອງໄຊ
ເປັນສະຖານທີ່ສໍາຄັນ ແລະ ເປັນບ່ອນສັກທີ່ສິດທາງສາສະໜາ ເຊິ່ງຊາວແຂວງຫົວພັນໃຫ້ຄວາມເຄົາລົບນັບຖື ແລະ ພາຍໃນຈະມີການຕົບແຕ່ງທີ່ສວຍງາມ, ມີການແກະສະລັກດ້ວຍໄມ້ໂລ້ງເລັ່ງ,
ມີຮູບປັນຂອງພະພຸດທະເຈົ້າ ມີລວດລາຍຮູບແຕ້ມຫຼາຍຊະນີດ
ນອກຈາກນີ້ແລ້ວກໍ່ຍັງເປັນທີ່ສັກກາລະບູຊາ ໄວກາບໄຫ້ວ
ອັນສັດທາຂອງປະຊາຊົນໃນຊາວແຂວງຫົວພັນ ແລະ
ຍູ່ທາງນອກຂອງວັດຈະສາມາດຊົມວິວທິວທັດທຳມະຊາດ, ສາມາດເບິ່ງເຫັນບ້ານເຮືອນປະຊາຊົນ ແລະ
ເຫັນທຳມະຊາດທີ່ສວຍສົດງາມ ພູຜາປ່າໄມ້ຫລາກຫຼາຍຊະນີດ ແລະ
ຍີນສຽງຮ້ອງຂອງສັດສາວາສິງບາງຊະນິດ.
1.4.ການເຂົ້າເຖິ່ງ ( ວັດສີບຸນເຮືອງໄຊຍະຣາມ ).
ວັດໂພໄຊຊະນະຣາມ ແລະ ວັດສີບຸນເຮືອງໄຊຍະຣາມເສັ້ນທາງການເຂົ້າເຖິ່ງແມ່ນເປັນເສັ້ນທາງທີ່ກວ້າງຂວ້າງມີຄວາມສະດວກສະບາຍໃນການເຂົ້າເຖິ່ງໄດ້ຢ່າງສະບາຍ
ເພາະວ່າຕັ້ງຢູ່ຕິດເສັ້ນທາງໃຫ່ຍຂອງຕົວເມືອງເປັນເສັ້ນທາງປູຢ່າງຫ່າງຈາກຕົວເມືອງປະມານ
1 ກິໂລແມັດ ,ສາມາດນຳເອົາ ລົດຈັກ, ລົດສ່ວນໂຕ, ລົດເມ ແລະ ລົດທຸກຊະນິດເຂົ້າມາໃນສະຖານທີ່ແຫ່ງນີ້ໄດ້.
1.5 ສິ່ງອໍານວຍຄວາມສະດວກ ( ວັດສີບຸນເຮືອງໄຊຍະຣາມ
).
ວັດໂພໄຊຊະນະຣາມ ແລະ ວັດສີບຸນເຮືອງໄຊຍະຣາມ
ແມ່ນຈະບໍ່ມີການໃຫ້ບໍລິການ ຫຼື ເສຍຄ່າຫ້ອງນໍ້າ ເພາະວ່າເປັນວັດ ເປັນສະຖານທີ່ທາງສາສະໜາ ແລະ ເປັນບ່ອນທີ່ສັກສິດ ຄົນທີ່ເຂົ້າມາວັດແຫ່ງນີ້ທີ່ຈະມາກາບໄຫ້ວພຣະອົງຕື້
ແລະ ຂໍພອນອັນສັກສິດກໍ່ຈະຊີ້ດອກໄມ້ຕາມຮ້ານຂາຍເຄືອງຂ້າງໆວັດ
ທູບທຽນຢູ່ທາງນອກເຂົ້າມາກາບໄຫ້ວ ທ່ານຈະສາມາດເຂົ້າມາກາບໄຫ້ວ ແລະ ທ່ຽວຊົມວັດສອງແຫ່ງນີ້ໄດ້ທຸກມື້
ແລະ ຖ້າຫາກທ່ານໃດສົນໃຈຢາກໄປທ່ຽວຊົມ ຫຼື ໄປທ່ຽວລົມຊົມວິວທາງພາກ
ເໜືອກໍ່ສາມາດໄປໄດ້ຖ້າໄດ້ໄປແລ້ວທ່ານຈະບໍຜິດຫວັງ ນອກຈາກສະຖານທີນີ້ແລ້ວກໍ່ຍັງມີຫຼາຍສະຖານທີ່ໃຫ້ທ່ງວຊົມ
ຈະເປິດໃຫ້ບໍລິການ 8:00 – 17:000 ໂມງ.
Comments
Post a Comment